Enginn kann lagabókstafinn hjá Lögreglunni á Vestfjörðum

Karl Ingi Vilbergsson lét af störfum í gær sem lögreglustjórinn á Vestfjörðum.

Bæjarins besta segir frá því í dag að í gær, 14. ágúst, hafi Karl Ingi Vilbergsson, lögreglustjórinn á Vestfjörðum, látið af störfum. Birgir Jónasson, lögreglustjórinn á Norðurlandi vestra, sem staðsettur er á Sauðárkróki, er settur lögreglustjóri á Vestfjörðum næstu tvo mánuði eða þar til nýr lögreglustjóri verður ráðinn. Ekki hefur starfið verið enn auglýst. Karl mun taka við starfi saksóknara hjá Héraðssaksóknaraembættinu.

Samkvæmt heimildum Bæjarins besta er nú enginn löglærður fulltrúi við störf hjá embættinu.