Á Hvolsvelli ber að líta líklega hæsta jólaskraut landsins, þótt víðar yrði leitað. Fjarskiptamarstrið þar hefur fengið heldur betur jólalega upplyftingu.
Fram kemur í frétt Sunnlenska.is að mastrið hefur verið skreytt með jólaljósum og að heimamenn telji öruggt að segja að um hæstu jólaskreytingu landsins sé um að ræða en mastrið er 45 metra hátt.
Ljósmynd: Aðsend á Sunnlenska.is
„Jólamastrið sést víðsvegar frá og erum við afar ánægð með útkomuna,“ sagði Árný Lára Karvelsdóttir, markaðs- og kynningarfulltrúi Rangárþings eystra í samtali við Sunnlenska.
Hugmyndina fékk Þóra Björg Ragnarsdóttir, aðstoðamaður skipulagsfulltrúa, að setja jólaljós á mastrið og eftir að leyfi var fengið og styrkur frá Mílu fyrir þessu var hafist handa. Sveitarfélagið gerði samkomulag við Björgunarsveitina Dagrenningu um uppsetningu en liðsmönnum sveitarinnar þóttu hafa unnið verkið vel af hendi og klárað það á mettíma.