Fimmtudagur 2. febrúar, 2023
1.6 C
Reykjavik

Jóhann Valgeir hafði rétt fyrir sér – Mygla greindist í íþróttahúsinu

Helgarviðtalið

- Auglýsing -

Orðrómur

- Auglýsing -

Bæði húsnæði grunnskóla Eskifjarðar og íþróttahús bæjarins innihalda myglu. Hefur þetta nú verið staðfest en sýni voru tekin þar fyrir áramót. Vinnur nú Fjarðabyggð að nánari greiningum og viðbrögðum á niðurstöðunum.

Fram kemur í frétt Austurfréttar að mygla hafi verið staðfest bæði í grunnskóla Eskifjarðar sem og íþróttahúsi af verkfræðistofunni Eflu en íþróttakennarinn Jóhann Valgeir Davíðsson hafði bent á slæmt ástand og mögulega myglu í fjöldi ára án viðbragða. Það var ekki fyrr en að Rúv gerði frétt um kvartanir Jóhanns Valgeirs að skriður komust á málið.

Sjá einnig: Starfsmaður félagsmiðstöðvar í Fjarðabyggð sendur í leyfi nokkrum dögum eftir gagnrýni á myglu

Fjarðabyggð sendi frá sér tilkynningu í gær, meðal annars í kjölfar fyrirspurnar Austurfréttar en þar kemur fram að í skólanum hafi greinst mygla í fundarherbergi, andyri á annarri hæð skólans og kennslustofu 312 sem er á þriðju hæð. Í haust hafði kennslustofan verið tekin úr notkun vegna myglugruns.

Mygla greindist svo í suðausturvegg íþróttahússins, sem stendur við skólann en ekki í öðrum sýnum.

Samkvæmt upplýsingum sem Austurfrétt fékk frá Fjarðabyggð í gær voru starfsmenn framkvæmdasviðs Fjarðabyggðar að fara nánar yfir skýrsluna til að átta sig almennilega á umfangi myglunnar og þeirra aðgerðir sem þarf að fara í.

- Auglýsing -

Unnið verður í nánu samstarfi við sérfræðinga Eflu, segir í tilkynningunni, sem og skólastjórnendur, foreldra, nemendur og starfsfólk skólans. Funda á í næstu viku með starfsfólki og sérfræðingum Eflu.

Myglutegundir í byggingum geta verið gríðarmargar en í Fossvogsskóla greindust á sínum tíma 11 tegundir myglusvepps, þar af gátu sjö þeirra haft slæm áhrif á heilsu fólks. Þess skal getið að nú þremur árum eftir að mygla greindist í Fossvogsskóla, er skólinn nú laus við myglu.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -