Múlaþing minnir á að akstur á göngustígum er bannaður í sveitarfélaginu.
Sveitarfélagið Múlaþing birti ábendingu á vefsíðu sinni og á Facebook þar sem íbúum er bent á að ferð ökutækja á göngustígum er bannaður. „Sveitarfélaginu hafa borist ábendingar og kvartanir vegna ökutækja á göngustígum og vill beina því til fólks að aka ekki á þeim, enda eru þeir ætlaðir gangandi vegfarendum og er öryggi þeirra stefnt í hættu með akstri á stígunum.“
Þá er útskýrt í tilkynningunni að mörgum göngustígum í Múlaþingi sé lokað með þar til gerðu hliði en haldið opnu á veturna, svo hægt sé að ryðja stígana af snjó. „Sveitarfélagið biðlar til fólks að taka tillit til þeirra sem fara ferða sinna fótgangandi með því að halda ökutækjum frá göngustígum og gangstéttum.“