Þriðjudagur 21. maí, 2024
4.8 C
Reykjavik

Slökkviliðið beitti skotbómulyftara til að komast að eldinum á Egilsstöðum – Myndskeið

VefTv

- Auglýsing -

Hlaðvörp

- Auglýsing -

Húsnæði fjarskiptafyrirtækisins Austurljóss á Egilsstöðum er talið gjörónýtt eftir bruna í dag. Þegar slökkviliðið mætti á vettvang lá mikinn eld út úr húsinu. Samkvæmt Austurfrétt reyndist næsti brunahani ótengdur þegar slökkviliðið hugðist brúka hann.

Frá vettvangi.
Ljósmynd: Stefán Bogi Sveinsson

Klukkan var 11:19 í morgun þegar tilkynnt var um eld í húsnæðinu sem er að Miðási 18 á Egilsstöðum. Hinu megin í húsinu er fyrrum líkkistuverkstæði en slökkviliðinu tókst að verja það bil fyrir öðru en reyk.

Austurfrétt talaði við Ingvar Ríkharðsson, varðstjóra hjá Slökkviliði Múlaþings, sem sagði að eldur hafi verið mikill í húsinu þegar slökkviliðið bar að. „Það var nánast orðið alelda.“

Sagði hann slökkviliði hafi almennt gengið vel og að fljótt hafi náðst tök á eldinu. Ekki þótti óhætt að senda reykkafar inn sökum aldurs húsnæðisins. Í staðinn var fenginn skotbómulyftari sem rauf útvegg braggans svo hægt væri að komast að eldinum.

Þá voru vinnuvélar fengnar til að moka braki frá. Ingvar telur að í hluta hússins sem brann, sé um altjón að ræða, því annars vegar sé það nú hálfrifið og það sem inni í því var er brunnið.

Héraðsbúar kalla svæðið sem bragginn er á, „iðnaðarhverfið“ en yst í því hverfi stendur húsnæðið sem hýsti áður efnalaugina og verslunina Vaks, sem brann til grunna haustið 2022. Í kjölfar þess bruna var rætt um eldvarnir í svæðinu en slökkviliðið þurfti þá að leggja afar langar slöngur til að komast í vatn.

- Auglýsing -

Í morgun varð vart við sama vandamál. „Við ætluðum að tengja okkur inn á nýjan brunahana sem var 60 metra frá. Þá reyndist ekkert vatn á honum og hann ótengdur. Við þurftum í staðinn að tengja okkur við brunahana sem var 200 metra í burtu,“ sagði Ingvar við Austurfrétt.

Ekki kom það þó að sök í þessu tilfelli þar sem nægilegt vatn var á tankbíl slökkviliðsins til að halda út á meðan tengt var við virkan brunahana.

Að svo stöddu eru eldsupptök ókunn en bragginn var mannlaus þegar eldurinn braust út.

- Auglýsing -

Hér má sjá myndskeið sem Unnar Erlingsson tók í morgun:

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -