Þórdís Sif Sigurðardóttir, hættir sem bæjarstjóri Vesturbyggðar í sumar.
Bæjarstjóri Vesturbyggðar, Þórdís Sif Sigurðardóttir, hefur verið ráðin sem bæjarritari og sviðsstjóri stjórnsýslu- og fjármálasviðs hjá Sveitarfélaginu Árborg, að því er fram kemur á vefsíðu Árborgar en bb.is sagði frá málinu í dag. Þórdís mun hefja störf hjá Árborg í júní.
Í gær greindi Þórdís frá því að hún hefði tilkynnt samstarfsfólki sínu hjá Vesturbyggð, að hún muni ekki gefa kost á sér í starf bæjarstjóra sameinaðs sveitarfélags Tálknafjarðarhrepps og Vesturbyggðar, eftir kosningarnar næsta sumar.
Segist hún vilja vera nærri börnum sínum sem búa bæði hjá föður sínum í Reykjavík. Hlakkar hún til að geta verið meira með þeim og gefið þeim meiri tíma á meðan þau þurfa á henni að halda.