Sigurður Ólafsson var aðeins 11 ára þegar hann fór á sjó heilt sumar með föður sínum, vélstjóranum. Þar með var teningunum kastað og hann fetaði í fótspor föður síns.
Hann var bæði á fraktskipum og varðskipum, meðal annars í þorskastríðinu þegar siglt var á skip hans og bakborðsvélin drap á sér.
„Það var alltaf verið að keyra á okkur,“ segir Sigurður.
Verstu aðstæður sem vélstjóri upplifir er þegar aðalvélin drepur á sér. Þetta gerðist hjá Sigurði suður af Hvarfi og þá voru góð ráð dýr. Lausnina fann hann með því að nota Uhu-lím til að koma hlutunum í lag. Hann segir sögu sína eftir 50 ára sjómennsku að baki.