2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Mágkonan í hvíta blúndukjólnum sögð „sjálfumglöð“ og „ósvífin“

    Ljósmynd sem nýgift kona birti á spjallsíðunni Reddit hefur farið sem eldur um sinu á samfélagsmiðlum. Myndin sýnir konuna sjálfa og mágkonu hennar á brúðkaupsdegi þeirrar fyrnefndu en báðar eru klæddar í hvíta blúndukjóla.

     

    Spjallþráður á Reddit sem bandarísk kona stofnaði á dögunum hefur vakið mikla athygli á samfélagsmiðlum. Í þræðinum segir konan frá því að hún hafi nýlega gengið í það heilaga en að mágkona hennar hafi mætt í hvítum blúndukjól í brúðkaupið. Brúðinni var misboðið og brá þá á það ráð að birta mynd af sér og mágkonunni saman á Netinu.

    Á myndinni, sem sýnir þó engin andlit, má sjá brúðina við hlið mágkonu sinnar og báðar eru þær klæddar í hvíta blúndukjóla. Þá birti hún aðra mynd af samskonar kjól og mágkonan klæddist í brúðkaupinu.

    Eins og áður sagði hefur spjallþráðurinn og meðfylgjandi mynd fengið mikla athygli á Reddit og öðrum samfélagsmiðlum. Mágkonan í hvíta kjólnum hefur meðal annars verið kölluð „sjálfumglöð“ og „ósvífin“. „Ég hefði hellt rauðvíni viljandi yfir hana,“ skrifaði einn netverjinn í athugasemd við myndina. Annar bauðst til að breyta lit kjólsins á myndinni með myndvinnsluforriti. „Fólk kann ekki að skammast sín,“ var einnig skrifað við myndina.

    Ekki missa af þessum

    Annað áhugavert efni

    Nýjast á Mannlíf.is