Salka Sól: „Þreytandi að fá komment á líkama sinn á hverjum degi“

Salka Sól Eyfeld, tónlistarkona og leikkona, gengur nú með sitt annað barn. Hún steig fram á Twitter þar sem hún biðlaði til fólks að hætta að koma með athugasemdir um útlit hennar.

„Getum við vanið okkur af því að koma með athugasemdir um óléttukúlur? Það er svo þreytandi að fá komment á líkama sinn á hverjum degi. Á síðustu 10 mínútum hef ég heyrt hvað ég sé með litla krúttlega bumbu og hvað hún sé nú risa stór.“

Margir taka undir með Sölku ef marka má athugasemdir við færsluna.

„Meira áreiti en mig hefði nokkurn tíma gruna,“ segir til dæmis í einni athugasemd.