- Auglýsing -
Geymið smákökudeig gjarnan í kæli áður en það er bakað. Þá tekur deigið betur í sig bragð og rennur síður út við baksturinn.
Yfirleitt er óhætt að geyma smákökudeig í kæli í nokkra daga sé það vel pakkað inn í plast. Yfir jólahátíðina er t.d. gaman að eiga smákökudeig í ísskápnum og svo er hægt að baka það í nokkrum skömmtum, t.d. þegar gesti ber að garði eða í kaffitímanum.
Þá fyllist húsið af bökunarilmi og heimilisfólkið fær heitar og nýbakaðar smákökur. Best er að búa til lengjur eða rúllur úr deiginu og pakka þeim vel inn í plastfilmu, þá er auðvelt að skera það niður og raða á bökunarplötu.