- Auglýsing -
Raftónlistarmaðurinn Teebs heldur tónleika í Mengi þann 10. mars næstkomandi.
Teebs er sviðsnafn tónlistar- og myndlistarmannsins Mtendere, sem hefur verið áberandi í alþjóðlegu raftónlistarsenunni en tónlist hans þykir vera allt í senn draumkennd, dáleiðandi og full af rytma.
Fyrsta plata hans, Ardour, kom út árið 2010 og hlaut góðar móttökur. Hún var ein af fyrstu plötunum sem Flying Lotus gaf út hjá hljómplötuútgáfu sinni Brainfeeder. Síðan þá hefur Teebs gefið út tvær breiðskífur til viðbótar og er von á þeirri nýjustu frá honum á þessu ári, en á henni koma Panda Bear, Thomas Stankiewicz og fleiri góðir við sögu.
Húsið opnar klukkan 20.30. Tónleikarnir sjálfir hefjast kl. 21. Miðaverð er 2.500 krónur.