Leikstjórinn Baltasar Kormákur lét sig ekki vanta á sýningu á nýjustu mynd sinni, Adrift á Soho-hótelinu í London í gær, sunnudag.
Aðalleikarar myndarinnar, Sam Claflin og Shailene Woodley, voru að sjálfsögðu einnig mætt á rauða dregilinn og tók þríeykið sig vel út saman.
Sjá einnig: Kveikti á myndavélunum þegar allir byrjuðu að æla.
Adrift var frumsýnd vestan hafs í byrjun mánaðarins og samkvæmt Wikipedia hefur hún halað inn um 31 milljón dollara í miðasölutekjur, en framleiðslukostnaður við myndina var 35 milljónir dollara. Þá hefur myndin fengið fína dóma víða um heim.
Myndin er lauslega byggð á sannri sögu pars sem sigldi frá Tahítí til San Diego árið 1983. Þau sigldu hins vegar rakleiðis til móts við fellibylinn Raymond en misstu ekki lífsviljann.