Miðvikudagur 29. júní, 2022
14.8 C
Reykjavik

Búa til gúmmímottur úr gömlum hjólbörðum

Helgarviðtalið

- Auglýsing -

Orðrómur

- Auglýsing -

Hvað verður um gömul dekk? Þeim er fargað eða, eins og við vonandi sjáum meira af í framtíðinni, þau eru endurunnin. Í samfélagsskýrslu N1 fyrir árið 2019 kemur fram að félagið sóli eldri dekk (nýtt slitlag sett á) og þannig má nýta þau lengur.

Á Akureyri starfrækir N1 sólningarverksmiðju og þar voru á síðasta ári sólaðir/endurunnir 3.195 vörubíla- og vinnuvélahjólbarðar. Það dekkjakurl sem fellur til við sólninguna er nýtt í ýmislegt og má þar nefna að búnar eru til úr því gúmmímottur. Annað sem orðið hefur til úr dekkjakurlinu eru millibobbingjalengjur. Í þetta voru notuð tæp tíu tonn af kurli.

Kolefnisfótsporið minnkað um 578.295 kíló

Í skýrslunni kemur fram að með því að sóla/endurvinna þessi 3.195 dekk hafi tekist að minnka kolefnisfótspor félagsins um 578.295 kg og sé þá ótalinn eldsneytissparnaðurinn við innflutning á nýjum hjólbörðum sem hefði komið til ef þeir hefðu ekki verið sólaðir. Þá megi líka taka til hráefnissparnað (gúmmí, strigi og járn) sem nemur 172.530 kg og olíusparnað upp á 223.650 lítra.

Ennfremur kemur þar fram að á síðasta ári sendi N1 183 Michelin vörubílabelgi úr landi til endurvinnslu hjá Michelin sem minnkar kolefnisfótsporin um 33.123 kg og er hráefnissparnaður 9.882 kg og olíusparnaður 2.810 lítrar.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -