Fimmtudagur 11. ágúst, 2022
8.8 C
Reykjavik

Engin Skíðavika á Ísafirði um páskana

Helgarviðtalið

- Auglýsing -

Orðrómur

- Auglýsing -

Hinni árlegu Skíðaviku á Ísafirði um páskana hefur verið formlega aflýst í samræmi við samkomubann stjórnvalda. Í tilkynningu frá Skíðavikustjóra, Önnu Sigríði Ólafsdóttur, segir að ekkert verði af frekari markaðssetningu Skíðavikunnar í ár og ekki unnið að því að stefna fólki inn á svæðið um páskana.

Á vef Bæjarins besta kemur fram að Skíðavikan hafi tekið miklum breytingum frá því hún var fyrst haldin árið 1935 og hafi staðið af sér ýmsar hremmingar á þessum 85 árum. Hún hafi til dæmis verið felld niður árið 1949 vegna samkomubanns. Á þeim tíma hafi mænuveiki gengið yfir landið og víða verið gripið til samkomubanns.

Skíðavikan hefur verið haldin samfellt frá árinu 1979.

Blaðamaður bb.is reynir þó að eygja ljósglætu í myrkrinu og segir: „Það má þó segja að nokkur huggun harmi gegn er að allt útlit er fyrir að nægur snjór verði á Ísafirði um páskana, kannski meira en nóg.“

Tónlistarhátíðin Aldrei fór ég suður, sem setur svip sinn á lífið á Ísafirði um páskana auk Skíðavikunnar, verður einungis send út á netinu í ár, án áhorfenda, og því ljóst að Ísfirðingar eiga í vændum mun rólegri páska en þeir eru vanir.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -