Sunnudagur 4. desember, 2022
2.8 C
Reykjavik

Fjórir handteknir við vinnustaðaeftirlit

Helgarviðtalið

- Auglýsing -

Orðrómur

- Auglýsing -

Fjórir karlmenn voru handteknir á byggingasvæði í Garðabæ í gær þegar lögreglan var við vinnustaðaeftirlit.  Grunur leikur á að mennirnir, sem allir eru erlendir ríkisborgarar, hafi fengið skráningu á grundvelli falsaðra vegabréfa og hafi því ekki tilskilin leyfi til að starfa hér á landi.

Kemur þetta fram í tilkynningu frá lögreglunni.

Karlmennirnir voru færðir á lögreglustöð og yfirheyrðir, en við húsleitir í tengslum við málið var lagt hald á fölsuð vegabréf. Mönnunum er nú gert að sæta svokallaðri tilkynningaskyldu, auk þess sem Útlendingastofnun er upplýst um málið.

Á vettvangi voru einnig höfð afskipti af tveimur öðrum mönnum, sem ekki höfðu heimild til vinnu, en þar var um að ræða hælisleitendur. Við aðgerðirnar í gær var notuð ný bifreið lögreglunnar, en hún er einkum ætluð fyrir landamæraeftirlit á höfuðborgarsvæðinu og er vel búin tækjum til þess. Þar á meðal tæki til að skoða og sannreyna skilríki.

Eftirlitið er samvinnuverkefni Lögreglunnar á höfuðborgarsvæðinu, Vinnueftirlits ríkisins, Vinnumálastofnunar og Ríkisskattstjóra

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -