Sunnudagur 27. nóvember, 2022
4.1 C
Reykjavik

Gunnar í Krossinum sér aðeins eina leið til að sigra kórónaveiruna: Guð hefur ekki lokið verki sínu

Helgarviðtalið

- Auglýsing -

Orðrómur

- Auglýsing -

Gunnar Þorsteinsson, sem oftast er kenndur við Krossinn, segir aðeins eina leið færa til að sigra kórónuveirufaraldurinn. Að gera iðrun frammi fyrir Guði og biðja hann um fyrirgefningu og miskunn.

Gunnar segir að leitað hafi verið til hans linnulaust undanfarið eftir svörum við þeim Covid-tímum sem þjóðin er að upplifa. „Ótti og uggur er í mörgum og er ekki að undra. Sumir halda að lok aldanna séu komin yfir oss,“ segir Gunnar.

Ástandið meðal þjóðanna er sjúkt, í sumum tilfellum fársjúkt

Gunnar vísar til þess að Covid-19 sé drepsótt sem Guð hafi látið koma yfir lýð sinn vegna langs og hrikalegs lastalista mannanna. Þetta sé í raun spurning um lögmálið um orsök og afleiðingu. Í færslu á Facebook segir Gunnar að listann yfir lesti mannkyns megi finna í bréfi Páls postula og vitnar þar í bréfið. „Vita skalt þú þetta, að á síðustu dögum munu koma örðugar tíðir. Mennirnir verða sérgóðir, fégjarnir, raupsamir, hrokafullir, lastmælendur, foreldrum óhlýðnir, vanþakklátir, vanheilagir, kærleikslausir, ósáttfúsir, rógberandi, taumlausir, grimmir, ekki elskandi það sem gott er, sviksamir, framhleypnir, ofmetnaðarfullir, elskandi munaðarlífið meira en Guð.“

Gunnar bendir jafnframt á að Guð leggi það ekki í vana sinn að opinbera þá atburðarrás sem gengur yfir veröldina. Það sé einfaldlega hans að tala og mannfólksins að skilja. „Þeir sem best vita eru ekki sammála og því er erfitt að vera með sverar fullyrðingar án þess að hafa fengið opinberun frá hástóli Guðs. Ástandið meðal þjóðanna er sjúkt, í sumum tilfellum fársjúkt. Við þurfum lækningu og leiðsögn út úr þessum vanda. Í raun sé ég aðeins eina færa leið til að höndla nauðsynlegt jafnvægi á ný. Hún er sú að gera iðrun frammi fyrir Guði og biðja hann um fyrirgefningu og miskunn. Ég er sannfærður um að Guð hefur ekki lokið verki sínu á jörðinni. Hann á sannarlega eftir að gera sig dýrðlegan og þjóðirnar eiga eftir að finna fyrir hræringu Guðs þannig að ekki fer framhjá neinum,“ segir Gunnar.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -