Fimmtudagur 11. ágúst, 2022
9.8 C
Reykjavik

Hetjudáðir, barátta og ný von í helgarblaðinu Mannlíf

Helgarviðtalið

- Auglýsing -

Orðrómur

- Auglýsing -

Út er komið nýtt tölublað helgarblaðsins Mannlífs, stútfullt af áhugaverðu efni.

„Það er alveg ljóst að björgunarsveitirnar vega mjög þungt í öllu þessu kerfi okkar,“ segir Hjálmar Björgvinsson, deildarstjóri hjá Almannavörnum, um framlag björgunarsveitanna til almannavarna og samfélagsins í heild. Fjallað er um hið gríðarlega álag sem verið hefur á viðbragðsaðilum, m.a. Landsbjörgu og Rauða krossinum, síðustu vikur og mánuði.

„Lífið hefur gefið mér mikið, ég hef upplifað margt, ég á yndisleg börn sem ég hef komið á legg, mjög sterka barnsfeður sem ég veit að munu hugsa vel um börnin mín, fjölskylda mín mun umvefja þau ást og ég hef ekki áhyggjur. Ég er náttúrlega skíthrædd við að deyja, mig langar ekki að deyja en ég verð að gera það með reisn og ég ætla að gera það,“ segir Alma Geirdal, sem hefur háð erfiða baráttu við krabbamein og fengið að vita að hún eigi aðeins um fjögur ár eftir ólifuð.

Eftir að ókunnug kona tók út lyf Írisar Hólm fékk hún þær upplýsingar hjá Lyfjastofnun að það væri ekki eiginlegt brot á reglum að leysa út lyf annarra. Þegar hún leitaði til lögreglu var henni tjáð að athæfi konunnar væri ekki heldur glæpsamlegt. Rætt er við Írisi í Mannlífi.

Hjartasjúkdómar eru langalgengasta dánarorsök meðal þjóða heims og á Vesturlöndum fylgir krabbamein fast á eftir. En sem betur fer berast reglulega fregnir af nýjungum í læknavísindunum sem vekja vonir um nýjar meðferðir við illvígum sjúkdómum, aukin lífsgæði og lengra líf til handa sjúklingum.

Reykjavíkurborg hafði um áramótin varið 270 milljónum króna í snjómokstur og hálkuvarnir í vetur. Það er um 39% þess kostnaður sem hlaust af vetrarþjónustu síðasta vetur.

- Auglýsing -

Lestu nýjasta tölublað helgarblaðsins Mannlífs.

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -