Laugardagur 24. febrúar, 2024
-0.2 C
Reykjavik

Hvetur fólk til að endurskoða lífsstíl sinn: „Ein mikilvægustu skilaboð sem fólk getur fengið“

VefTv

- Auglýsing -

Hlaðvörp

- Auglýsing -

Læknirinn Una Emilsdóttir hvetur fólk til að vanda valið þegar kemur að innkaupum og neyslu. Hún segir upplýsingaflæði í nútímasamfélagi vera það mikið að það rugli gjarnan neytendur í ríminu.

„Mér finnst ósanngjarnt gagnvart neytandanum að eitthvað komi á markað og hann neyti þess án þess að vita um að hann sé að skaða sjálfan sig,“ segir Una í viðtali sem má finna nýjasta tölublaði Læknablaðsins.

Í viðtalinu ræðir Una m.a. orkudrykkjaneyslu hér á landi sem hún hefur áhyggjur af. „Eins er með orkudrykkjaneyslu hér á landi sem ég hef verulegar áhyggjur af. Ég skoðaði innihald eins þeirra. Þar eru efni sem samsett geta myndað efni sem hefur krabbameinsvaldandi áhrif,“ segir hún. „Bara það segir mér að ástæða sé til að sleppa neyslunni. Ég óttast að það sama muni gerast og hefur margsinnis gerst í sögunni. Fólk neytir vöru í miklum mæli. Svo kemur kannski í ljós að einhver sjúkdómur verður algengari.“

Hún segir reykingar vera gott dæmi um neyslu sem neytendur geta lært af. „Fullkomið dæmi um að neytendur treysta því sem að þeim er rétt, þróa svo með sér lungu á við sjötugan mann á stuttum tíma,“ segir Una.

Una hvetur fólk til að grandskoða lífsstíl sinn og taka málin í sínar hendur. „Ég er að segja þetta svo fólk geti tekið málin í sínar hendur og aukið líkurnar á að það haldi heilsu lengur. Mér finnst það ein mikilvægustu skilaboð sem fólk getur fengið frá okkur læknum,“ segir hún.

Viðtalið við Unu í heild sinni má finna á vef Læknablaðsins.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -