Fimmtudagur 18. ágúst, 2022
11.8 C
Reykjavik

Icelandair og flugmenn gera samning – Formaður FÍA segir samninginn vera „tímamótasamning“

Helgarviðtalið

- Auglýsing -

Orðrómur

- Auglýsing -

Icelandair Group og Félag íslenskra atvinnuflugmanna hafa gert nýjan kjarasamning á milli félaganna til 30. september 2025. Þetta kemur fram í tilkynningu á vef FÍA.

Þar segir að lokafrágangur standi nú yfir og stefnt er að því að kynna breytingar og hefja kosningu svo fljótt sem auðið er.

Í tilkynningu frá Icelandair segir að samningurinn sé í samræmi við þau markmið sem lagt var upp með um að auka vinnuframlag og sveigjanleika verulega.

„Við erum mjög ánægð með að langtímasamningur við flugmenn sé í höfn. Þetta er stórt skref til að tryggja samkeppnishæfni félagsins og veigamikill þáttur í fjárhagslegri endurskipulagningu félagsins. Gerðar voru verulegar breytingar á samningnum sem tryggja aukið vinnuframlag flugmanna og gefa félaginu aukinn sveigjanleika til þróunar á leiðakerfi Icelandair. Með þessu eru flugmenn að leggjast á árarnar með félaginu til framtíðar,“ er haft eftir Boga Nils, forstjóra Icelandair Group.

Jón Þór Þorvaldsson, formaður Félags íslenskra atvinnuflugmanna, segir: „Félag íslenskra atvinnuflugmanna gerði í nótt tímamótasamning við Icelandair Group. Flugmenn eru stoltir af því að hafa náð markmiðunum sem lagt var upp með sem eykur enn á samkeppnishæfni Icelandair. Samningurinn tryggir að félagið er vel í stakk búið að til að sækja fram á hvaða markaði sem er til langrar framtíðar og nýta þau tækifæri sem sannarlega munu skapast.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -