Fimmtudagur 6. október, 2022
5.8 C
Reykjavik

Björn Leví dró sama sætið á þingi þriðja árið í röð: „Teach me your ways!“

Helgarviðtalið

- Auglýsing -

Orðrómur

- Auglýsing -

Björn Leví Gunnarsson, þingmaður Pírata dró sama sæti á þingi þriðja árið í röð á dögunum. Líkurnar eru litlar.

Við upphaf nýs þings þurfa þingmenn að draga númer úr potti sem segir til hvar þeir muni sitja hvert ár. Þingmaður Pírata, Björn Leví Gunnarsson dró sama númerið þriðja árið í röð en það er númerið 42. Skrifaði hann stutta færslu á Twitter um þessa skemmtilegu tilviljun:

„Þriðja skiptið í röð sem ég dreg sæti nr. 42“

Vakti staðreyndin nokkra kátínu hjá fylgjendum hans á samfélagsmiðlinum og voru flestir á því að líkurnar á þessu gætu ekki verið miklar.

Félagi hans, Píratinn Smári McCarthy skrifaði eftirfarandi athugasemd. „Djöfull er það orðið ólíklegt! Hvernig?! Teach me your ways!“

Björn svaraði að bragði: „Ég sagði fólki bara að ég ætlaði að draga 42. Ég hugsaði um hvernig ég ætlaði að teygja hendina inn í boxið og hræra aðeins í þangað til ég finndi 42 en svo gleymdi ég því og tók bara fyrstu kúluna sem ég lenti á … voila = 42.“

- Auglýsing -

Þegar Hilmar nokkur spurði hverjar líkurnar séu svarar Björn: „Jæks, það er slatti flókið að reikna það. Sérstaklega af því að það þarf að taka tillit til fólksins sem dregur á undan mér og dregur ekki 42. Í fyrsta skiptið sem ég ætlaði að draga 42 til dæmis þá var ég minnir mig næst síðastur …

Þorsteinn nokkur svaraði því: „Ja, fer smá eftir því hvernig spurningunni er hagað. En ef þú spyrð í upphafi dráttar, hverjar eru líkurnar á að þú fáir 42, þá skiptir röðin svo sem engu máli.“

En hverjar eru þá líkurnar á þessu? Mannlíf heyrði í Excel sérfræðingi sem sérhæfir sig í tölfræði. Hann vildi ekki koma undir nafni af ótta við að verða ofsóttur af kvenfólki vegna stærðfræðiþekkingar sinnar. „Í stuttu máli: líkurnar á því að fá sama sæti (númer 42) þrjú ár í röð er einn á móti 125.047. Líkurnar á því að fá eitthvað sæti þrisvar í röð er 1 á móti 3.969,“ svaraði sérfræðingurinn.

- Auglýsing -

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -