Föstudagur 19. apríl, 2024
4.1 C
Reykjavik

Gagnrýnir RÚV harðlega: „Algjör óþarfi að íþyngja öllu því fólki með smekkleysi“

VefTv

- Auglýsing -

Hlaðvörp

- Auglýsing -

Björn Birgisson gagnrýnir Ríkisútvarpið harðlega fyrir útvarpssendingar í miðju eldgosi í og við Grindavík.

Samfélagsrýnirinn frá Grindavík, Björn Birgisson er allt annað en ánægður með RÚV en ástæðan er sú að ríkisfjölmiðillinn sendi út á samtengdum rásum Rásar 1 og Rásar 2, þegar eldgosið byrjaði í og við Grindavík í fyrradag, og spilaði lög inn á milli fregna af gosinu, sem og auglýsingar en fólk gat horft á eldgosið í sjónvarpinu, þar sem útvarpsrásirnar spiluðust undir. Þetta þótti Birni afar smekklaust. Og margir lesendur færslunnar voru sammála en einn þeirra skrifaði: „Varð helvíti reiður er þeir fóru í þokkabót, að senda út auglýsingar, á meðan húsin brunnu. Átti bara líka að setjast niður með popp og kók. Ruv á að biðja þjóðina afsökunar á þessu.“

Færsluna má lesa hér:

„Mér finnst einstaklega smekklaust af RÚV að senda út tónlist og auglýsingar á meðan landsmenn horfa á hraunið renna inn í Grindavík og kveikja í heimilum fólks.

Ég lít á þessar myndir með augun fljótandi í tárum yfir örlögum okkar Grindvíkinga, sérstaklega þeirra sem nú sjá hraunið brjóta niður heimili þeirra og kveikja Í þeim.
Sendi því fólki sérstakar samúðarkveðjur, sem og öðrum Grindvíkingum sem fylgjast með örlögum bæjarins í vonleysi og örvinglan.
Algjör óþarfi að íþyngja öllu því fólki með smekkleysi sem jaðrar við dónaskap.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -