Fimmtudagur 11. ágúst, 2022
10.8 C
Reykjavik

Landsbankinn býður best í óverðtryggðum lánum – Munar 200 þúsund á ári

Helgarviðtalið

- Auglýsing -

Orðrómur

- Auglýsing -

Landsbankinn býður lægstu vextina þegar kemur að óverðtryggðum lánum. Lántaki hjá Landsbankanum getur sparað 200 þúsund krónur á ári ef miðað er við vaxtakjör Arion banka.

Vert er að rýna vel í vaxtakjör bankanna ef taka á nýtt íbúðalán eða endurfjármagna. Gríðarlegur munur getur verið á afborgunum á milli bankanna. Mannlíf gerði lauslega útreikninga á mismuninum.

Ef skoðuð er samanburðartafla Aurbjargar á vöxtum íbúðalána viðskiptabankana sést að vextir lána og lántökugjald hjá Landsbankanum er lægra en hjá Íslandsbanka og Arion banka.

Landsbankinn býður 6,25 prósent vexti á óverðtryggðu íbúðaláni með breytilegum vöxtum á meðan vextir Íslandsbanka á sama láni ber 6,65 prósent vexti. Munar þar 0,4 prósentum.

Lántaki sem tæki 40 milljóna króna óverðtryggt lán hjá Íslandsbanka, á breytilegum vöxtum, þarf að borga 160.000 krónum meira í vexti á ársgrundvelli, eða 13.333 krónur á mánuði, heldur en hann ef hann tæki sambærilegt lán hjá Landsbankanum.

Landsbankinn er að sama skapi með lægstu vaxtaprósentuna, 7,25 prósent, á óverðtryggðum íbúðalánum með föstum vöxtum. Arion banki er aftur á móti með hæstu vextina eða 7,75 prósent á samskonar láni. Munar þar hálfu prósenti á milli Landsbankans og Arion.

- Auglýsing -

Lántaki sem tæki 40 milljóna króna lán hjá Arion banka væri því að greiða 200.000 krónum meira í vexti á ársgrundvelli, eða 16.667 kr á mánuði, en ef hann tæki sambærilegt lán hjá Landsbankanum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -