Laugardagur 25. maí, 2024
10.8 C
Reykjavik

Máttu ekki reka kynferðisbrotamann úr íslenska landsliðinu: „Vona að þessu sé nú bara lokið“

VefTv

- Auglýsing -

Hlaðvörp

- Auglýsing -

Ekki mátti víkja knapanum Jóhanni Rúnari Skúlasyni úr íslenska landsliðinu ótímabundið árið 2021 en þetta er niðurstaða áfrýjunardómstóls ÍSÍ.

Eiðfaxi greindi frá þessu.

Forsaga málsins er sú að Jóhanni var vikið úr landsliðshópnum árið 2021 þegar upp komst um dóm sem hann hann hafði hlotið fyrir kynferðismök önnur en samræði við 13 ára barn árið 1993. Jóhann var ósáttur með að hafa verið vikið úr hópnum ótímabundið og nú hefur ÍSÍ komist að þeirri niðurstöðu að ekki hafi mátt víkja honum úr landsliðinu án þess að tilgreina tímalengd útilokunar og með þeim hætti sem gert var. Þó er tekið fram í dómnum að það sé ákvörðun landsliðsþjálfara og landsliðsnefndar að velja einstaklinga í landsliðið.

„Þetta er búið að fara fjórum sinnum fyrir dómstóla ÍSÍ og það er búið að fara mikið af peningum og orku í þetta. Vona að þessu sé nú bara lokið og við getum farið að snúa okkur að öðru,“ sagði Guðni Halldórsson, formaður Landssambands hestamannafélaga, við Eiðfaxa. „Dómurinn snýst fyrst og fremst um túlkun á lagatæknilegu atriði og hvort heimilt hafi verið að vísa í tiltekna lagagrein en tekur af öll tvímæli um að landsliðsþjálfari og landsliðsnefnd hafa fulla heimild til að ákveða hverjir skipa landslið hverju sinni. Það er aðalatriði dómsins og mikilvægt að hafi fengist á hreint.“

Í yfirlýsingu sem Landssamband Hestamannafélaga sendi frá sér er fyrri afstaða sambandsins endurtekin.

„Stjórn LH telur óverjandi að þeir sem hafi gerst sekir um og eða hlotið refsidóm fyrir alvarlegt kynferðisbrot séu í landsliðshópnum og komi fram sem fulltrúar LH fyrir Íslands hönd, hvort sem er hér á landi eða á erlendri grundu. Er slíkt til þess fallið að skaða ímynd LH, landsins og hestaíþróttarinnar í heild, einnig er það andstætt þeim gildum sem LH stendur fyrir, en sambandið tekur skýra afstöðu gegn öllu ofbeldi.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -