Grunur um að mengaðar oxy-töflur séu í umferð hér á landi: „Eitthvað annað og hættulegra efni“

Grunur er um að mengaðar pillur séu komnar í umferð hér á landi, dulbúnar sem hreinar oxycont­in-töfl­ur.

Fyrirtækið Varlega.is, sem sérhæfir sig í innflutningi, sölu og dreifingu á vímuefnaprófum til mælingar á fíkniefnum, skrifaði færslu á Instagram-reikningi sínum þar sem fólk er varað við „menguðum efnum“ sem séu líklegast komnar í umferð hér á landi.

„Varúð – Menguð efni í umferð❗❗ Okkur hafa borist ábendingar um að á miðlum eins og Telegram sé verið að vara við menguðum efnum.“ Svona hefst færslan en þar kemur fram að töflurnar líti út eins og Oxy-töflur en innihaldi í raun „eitthvað annað og hættulegra efni.“

Vonar Varlega.is að fólk fari sérstaklega varlega og innbyrði ekki efni án þess að kanna innihaldið.

 

View this post on Instagram

 

A post shared by Varlega.is (@varlega.is)