- Auglýsing -
Rangt var farið með mál í frétt sem birtist á Mannlífi í gær um listamanninn og leikmyndahönnuðinn Sunnevu Ásu Weisshappel. Í fréttinni var því haldið fram að hún hefði ferðast til Japans eingöngu vegna unnusta hennar Baltasars Kormáks, þar sem tökur standa yfir á nýrri kvikmynd byggða á bókinni Snertingu eftir Ólaf Jóhann Ólafsson.
Rétt er að taka fram að Sunneva Ása starfar sem leikmyndahönnuður á myndinni og er þar ytra starfs síns vegna. Starf hennar felst í að hanna settin á Íslandi, Englandi og Japan. En sagan gerist í þremur löndum á þremur tímaskeiðum og því mikilvægt að hafa færa hönnuði í starfinu.
Mannlíf biður Sunnevu Ásu velvirðingar.
Myndir frá Japan: Sunneva og Baltasar ástfangin í tökum á Snertingu