Miðvikudagur 10. ágúst, 2022
9.8 C
Reykjavik

Völvan: Vanhæf geðdeild, CBD olía og sveppir – sálfræðiþjónusta verður niðurgreidd fyrir lok árs

Helgarviðtalið

- Auglýsing -

Orðrómur

- Auglýsing -

Völvublað Mannlífs kom út fyrir áramótin. Til þess að lesa spá völvunnar fyrir komandi ár í heild sinni er hægt að nálgast blaðið hér.

 

Heilbrigðismál

 

Landspítalinn

„Frelsi frá sóttvarnareglum heldur áfram að stranda á spítalanum að einhverju marki. Við höldum áfram að finna fyrir því á árinu hvað spítalinn þolir lítið álag vegna langvarandi fjársveltis. Þetta er einn eitt dæmið um hluti sem við höfum áttað okkur á, eða fengið slengt framan í okkur, og þurfum nú að lifa með og ákveða hvað við viljum gera í framhaldinu. Í kjölfar þessa verður háværari umræða um breytingu í heilbrigðiskerfinu – hverju við erum tilbúin til að eyða í gott kerfi sem þolir meira. Þessi umræða mun fela í sér nokkur átök og andstæða póla. Þeir sem því eru hlynntir munu til að mynda tala fyrir einkavæðingu í auknum mæli. Mér sýnist meirihluti þjóðarinnar ekki vilja aukna einkavæðingu í heilbrigðiskerfinu. Við eigum eftir að sjá meiri fólksflótta frá Landspítalanum.

Í framhaldinu mun ríkisstjórnin sjá að ástandið er ekki sjálfbært og mun engan annan kost eiga en að fara í samtal við spítalann um hvað vanti og ráðast í bráðabirgðaaðgerðir til að laga ástandið, svo harðar samkomutakmarkanir verði ekki viðvarandi um ókominn tíma.

Seinni part árs verða fleiri skurðaðgerðir framkvæmdar á einkastofum úti í bæ og þannig komið til móts við húsnæðisvandann í bili. Ráðist verður í aðgerðir til fá fleiri svæfingalækna og gjörgæsluhjúkrunarfræðinga á spítalann.

- Auglýsing -

Eins og áður sagði verður Covid-19 þó ekki eins stór ógn á næsta ári eins og hún var á því síðasta, svo hlutirnir munu fara betur en á horfðist.“

 

Geðheilsa þjóðarinnar

„Ég hef miklar áhyggjur af geðheilsu þjóðarinnar. Henni fer hrakandi og áfram fer tilfellum kulnunar fjölgandi. Við erum líka að verða daprari, þunglyndari og kvíðnari. Inntaka geðlyfja er að aukast. Enda skyldi engan undra, í kerfi sem niðurgreiðir ekki sálfræðiþjónustu.

- Auglýsing -

Árið 2022 mun hefjast uppgjör í geðheilbrigðismálum á Íslandi. Geðdeild verður endanlega vanhæf í að takast á við biðlista og æ fleiri fá ekki þá aðstoð sem þeir þurfa.

Í kjölfarið verður umræða um hið andlega, trú og kærleika meira áberandi. Margir munu opna á annars konar aðferðir til þess að takast á við vanlíðan, utan heilbrigðiskerfisins. Þarna sýnist mér að tabú umræða varðandi einhvers konar trú, í hvaða mynd sem hún er, muni opnast meira og fæða af sér eitthvað fallegt og stórt í samfélaginu. Fólk fer að finna einhverja aukna þörf fyrir trú og umræða um einhvers konar æðri mátt, sálina og slíkt verður fyrirferðarmeiri og heyrist á hinum ólíklegustu stöðum.

Hvað geðsjúkdóma varðar sé ég aukna umræðu og fræðslu um geðklofa á árinu og hvernig hægt sé að lifa með sjúkdómnum. Þetta er einn af þeim geðsjúkdómum sem mætt hafa hvað mestum fordómum.

Ég held að það verði í kjölfar opnari umræðu um geðsjúkdóma sem fíknisjúkdómar verði teknir meira fyrir og að endingu verði neysluskammtar afglæpavæddir, eftir mas og þras í þinginu.

Annars konar umræða um tabú málefni tengd geðheilsu og spiritúalisma mun fjalla um ýmsar „alternative“ lækningaraðferðir, jurtir og fleira. Meira verður rætt um smáskammta af sveppum til andlegra lækninga, CBD-olíu og fleira. Fólk vill prófa nýjar leiðir og þótt það verði tekist á um þessi mál og hreint ekki allir sammála, þá verður umræðan sjálf meira áberandi en áður.

Að lokum myndast enn meiri þrýstingur á að sálfræðiþjónusta í landinu verði niðurgreidd og viti menn; það næst fyrir árið 2023.

Viðhorf samfélagsins til vinnu er að breytast hægt og rólega og fleiri sjá að fólk þarf að sinna andlegri heilsu betur, þjóðarsálinni til hagsbóta.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -