Fimmtudagur 2. febrúar, 2023
1.6 C
Reykjavik

Jón veit ekki hvort hann hafi farið með rangt mál: „Má vera að þar skeiki einhverjum nöfnum“

Helgarviðtalið

- Auglýsing -

Orðrómur

- Auglýsing -

Á mánudag er aðeins eitt mál á dagskrá á Alþingi; önnur umræða um útlendingafrumvarp Jóns Gunnarssonar dómsmálaráðherra.

Kemur fram á ruv.is að frumvarpið var lagt fram í fimmta sinn á þingi í haust og sjálfur Jón segir það löngu tímabært að ljúka þessu máli:

„Ég geri mér vonir um að það takist í þessari atrennu,“ segir Jón og bætir við að samkomulag sé um að ljúka málinu.

Hann býst ekki við frekari sátt um frumvarpið:

„Ég held að þessi mál séu þess eðlis að um þau eru skiptar skoðanir og ég geri mér engar vonir um að það verði einhver allsherjarsátt í þessum málum.“

- Auglýsing -

Kom fram í máli Jóns í viðtali á Bylgunni fyrir helgi að honum finndist stjórnleysi ríkja í útlendingamálum hér á landi; nefndi hann að allir hælisleitendur sem var vísað úr landi í skjóli nætur í nóvember væru komnir aftur til landsins.

Dómstólar hafa úrskurðað að hluti af fólkinu eigi rétt á efnislegri meðferð á Íslandi.

Lögmaðurinn Magnús Davíð Norðdahl sagði aftur á móti í samtali við ruv.is að dómsmálaráðherra færi ekki með rétt mál, en umbjóðandi hans, sem á rétt á endurupptöku, sé til dæmis enn pikkfastur í Grikklandi.

- Auglýsing -

Aðspurður hvort Jón hafi farið með rangt mál, segist hann hreinlega ekki vita það:

„Þessar upplýsingar hef ég frá þeim sem um þessi mál véla; að allir þeir sem voru fluttir með leiguflugvél út á sínum tíma hafi verið komnir til landsins. Það má vel vera að þar skeiki einhverjum einstaka nöfnum til eða frá,“ segir hann og verður áfram tíðrætt um kerfið hér á landi:

„Þetta eru auðvitað einhverjir veikleikar í okkar kerfi að fólk sem hefur fengið hér fulla málsmeðferð og haft löglærðan fulltrúa sér við hlið allan tímann og verið synjað hér um vernd að skuli vera mætt hér aftur,“ sagði Jón að endingu.

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -