Klara Sif Magnúsdóttir er langvinsælasta íslenska OnlyFans-stjarnan, en hún er með margfalt hærri laun kollegar sínir; þénar rúmlega 1,1 milljón krónur í laun á mánuði miðað við greitt útsvar á síðasta ári og er til að mynda með tuttugu og fimm sinnum hærri tekjur en Ósk Tryggvadóttir, sem kemur næst á eftir Klöru Sif í tekjuöflun á OnlyFans.
OnlyFans er síða sem gerir notendum kleift að selja efni gegn mánaðarlegu gjaldi. Allur gangur er á því hvers konar efni er deilt á síðunni. Einkaþjálfarar, listafólk og áhrifavaldar nota gjarnan síðuna en nekt og erótískt efni er vinsælast.
Áskrifendur reiða af hendi mánaðarlegt gjald og fá þar með aðgang að almennri síðu notandans. Síðan er hægt að kaupa meira efni; djarfara, en þá gegn aukalegu gjaldi. Áskrifendur síðunnar geta einnig lagt fram beiðnir gegn gjaldi.
Klara Sif Magnúsdóttir er ein þeirra Íslendinga sem framleiðir erótískt efni á síðunni OnlyFans, en undanfarið ár eða svo hafa nokkrir ungir Íslendingar stigið fram opinberlega og greint frá hvernig þeir hafi þénað milljónir á því að selja áskrifendum sínum erótískt og/eða klámfengð heimatilbúið myndefni.
Klara Sif er 23 ára Akureyringur sem hefur greint frá því að hún hafi grætt um fimmtán milljónir króna frá því hún byrjaði á síðunni í ágúst í fyrra.
Klara framleiðir ýmist efni sem birtist fyrir alla áskrifendur eða sérútbúið efni fyrir einstaklinga.
Klara hefur sagt að til að byrja með hafi hún sett inn frekar „saklaus“ myndbönd af sér léttklæddri að dansa, enda hafi hún bara ætlað að prófa sig áfram hægt og rólega; en að strax frá upphafi hafi hún fengið sterk viðbrögð og jákvæð; áskrifendur tóku að streyma inn og fljótlega upp úr því fór hún að framleiða erótískara efni.
Á sínum tíma sagði hún að „þetta er aðallega bara „sóló-content“ frá mér. Ég er að setja inn á síðuna nektarmyndir en síðan er alltaf hægt að kaupa meira efni sem er þá í grófari kantinum, kannski með einhverjum öðrum jafnvel. Aðallega er þetta samt bara sóló hjá mér. Kynlíf selst vel og yfirleitt sést „allt. Sérstaklega ef fólk biður um sérsniðið efni, ef einhver áskrifandi spyr: Ertu til í að gera þetta? Og ef það er eitthvað sem mér líður vel með að gera þá er það ekkert mál,“ hefur Klara látið hafa eftir sér.“
Einnig að „yfirleitt er þetta bara mjög „basic“ kynlífsathafnir. Þá kona og karlmaður eða stelpa og stelpa og jafnvel anal og svoleiðis. Það fer mjög eftir því hvað ég er tilbúin í að gera og hvað þeir vilja sjá.“
Í tilfelli Klöru kostar mánaðarleg áskrift að síðunni hennar yfirleitt um tuttugu dollara. Klara ákveður þó sjálf verðið á áskriftinni, en vefsíðan OnlyFans tekur síðan 20 prósent af veltunni.
„Ég ætla að gera þetta eins lengi og ég get, eins lengi og mig langar. Eins og staðan er núna er ég ekki að plana að hætta. Ég tek lítil skref í einu og vona alltaf það besta.“
Að minnsta kosti tuttugu íslenskar konur selja erótískt eða klámfengið myndefni af sér á OnlyFans, en Klara Sif ber höfuð og herðar yfir alla Íslendinga sem nýta sér OnlyFans til tekjuöflunar, þénar rúma milljón á mánuði.