Miðvikudagur 10. apríl, 2024
0.8 C
Reykjavik

OnlyFans stjarnan Klara vill styrkja sjálfsmynd ungra kvenna

VefTv

- Auglýsing -

Hlaðvörp

- Auglýsing -

Klara Sif Magnúsdóttir, 23 ára, telur sig ekki vera klámstjörnu. En Klara selur klám á vefþjónustunni OnlyFans.

Samkvæmt greiddu útsvari á síðasta ári, er Klara hæst launaðasti áhrifavaldur landsins með rúmlega 1,1 milljón krónur í laun á mánuði.

Sjá einnig: „Klámstjarnan“ Klara Sif þénar rúma milljón á mánuði á OnlyFans :„Jafnvel anal og svoleiðis“

Klara Sif ræddi fyrst starf sitt í klámiðnaðinum í hlaðvarpsþættinum Eiginkonur nú fyrr á árinu. Þátturinn var eitt aðal umræðuefnið um tíma og sitt sýndist hverjum um tekjulind Klöru og hvernig fjallað var um starf hennar í þættinum.

Síðan þá hefur Klara farið í ýmis viðtöl og rætt starf sitt, nú seinast í Fréttablaðinu um helgina.

„Mín kynslóð er opnari, skilningsríkari og umburðarlyndari“

- Auglýsing -

Þar segist Klara ekki óttast þau áhrif  sem vinnan á OnlyFans geti haft á framtíð hennar.

„Mín kynslóð er opnari, skilningsríkari og umburðarlyndari fyrir málaflokknum kynlífi en eldri kynslóðirnar, kannski vegna þess að það er búið að normalisera þessa hluti meira á undanförnum árum.
Mér finnst það geggjað. Þetta á ekki að vera feimnismál.
Við erum öll okkar eigin manneskjur og eigum að fá að lifa á okkar eigin forsendum, svo lengi sem við særum ekki aðra.
Þegar ég byrjaði á OnlyFans hugsaði ég vitaskuld út í alla möguleika á hvað gæti gerst; hvaða áhrif þetta hefði á framtíð mína, en ég er hvergi smeyk, enda tók ég þessa ákvörðun sjálf og mun alltaf þurfa að lifa með það.“

Vill styrkja sjálfsmynd ungra kvenna

- Auglýsing -

Klara er einnig virk á Instagram, en aðal fylgjendahópurinn hennar þar eru yngri stelpur og konur á hennar aldri. Hún segist vilja styrkja sjálfsmynd stelpna, en sjálf hefur hún þurft að vinna í eigin sjálfsmynd.

Þegar Klara var yngri var hún mjög óörugg með sig að eigin sögn og segir hún það ekki hafa gerst fyrr en árið 2019, að hún hafi ákveðið fyrir sjálfan sig að hún væri nóg.
„Ég er falleg, flott og frábær, sama hvernig líkami minn lítur út. Líkamar eru eins ólíkir og þeir eru margir, og við eigum að fagna þeim. Þeir hafa það hlutverk að halda okkur á lífi og hvernig er ekki hægt að elska það, fagna því og sýna það?“

Klara segist vilja láta unglingsstúlkur vita að þær séu fallegar eins og þær eru.

„Á samfélagsmiðlum langar mig að ná til stelpna og kvenna sem fylgja mér. Unglingar þurfa að díla við ýmsa standarda í dag, sérstaklega líkamsímyndina og ég vil láta þær vita að þær séu fallegar eins og þær eru. Við erum allar systur og verðum að standa saman í gegnum allt. Ég vil að þær viti að þær eru sterkar og geti allt sem þær langar að gera, sama hvað öðrum finnst. Fólk mun alltaf hafa skoðun á því hvað maður gerir, en ef við veltum okkur endalaust upp úr áliti annarra munum við aldrei verða hamingjusöm.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -