Miðvikudagur 27. mars, 2024
-1.2 C
Reykjavik

Segir 24% landsmanna gerspillt: „Þau sem virðast njóta spillingar og telja fúsk til eftirbreytni“

VefTv

- Auglýsing -

Hlaðvörp

- Auglýsing -

Það standa öll járn á Bjarna Benediktssyni fjármálaráðherra eftir að skýrsla Ríkisendurskoðanda um sölu Bankasýslunnar á 22,5 prósenta hlut ríkisins í Íslandsbanka var gerð opinber í fyrradag.

Gunnar Smári Egilsson sósíalistaforingi er einn af þeim sem heldur á járninu og er ósáttur við Bjarna. Skrifaði hann færslu á Facebook þar sem hann talar um félagssálfræðilega tilraun á landsmönnum:

„Félagssálfræðileg tilraun á landsmönnum heldur áfram, um hversu mikið þol mannskepnan hefur fyrir vanhæfni og spillingu Sjálfstæðisflokksins.

Kerfið er þannig að þeir sem sýnt hafa mikið þol gagnvart þessu færast upp í Framsókn eða Vg. Þau sem virðast njóta spillingar og telja fúsk til eftirbreytni færast alla leið upp í Sjálfstæðisflokkinn.

Samkvæmt nýjustu könnun Gallup eru 24% landsmanna gerspillt og 22% til viðbótar láta sér hana vel lynda.“

Bætti Gunnar Smári eftirfarandi orðum við í athugasemd undir færlsunni: „Afstaða Vg-fólksins er mögnuð: Ég er á móti spillingu en ég styð hana til valda ef ég fæ að vera inn í herberginu þegar spillingarmennirnir skipta góssinu sín á milli.“

Vakti færslan töluverða athygli eins og oftast þegar sósíalistahöfðinginn mundar pennann en tíu hafa deilt færslunni áfram og yfir 140 líkað við hana.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -