Segir aukna eftirspurn eftir geðheilbrigðisþjónustu vegna COVID-19

Fram­kvæmda­stjóri fjar­geðheil­brigðisþjón­ust­unn­ar Minn­ar líðanar segist finna fyrir verulega aukinni eft­ir­spurn eft­ir að kór­ónu­veirufar­ald­ur­inn skall á hér­lend­is í mars­ á þessu ári. Í samtali við mbl.is segist fram­kvæmda­stjór­inn, Tanja Dögg Björns­dótt­ir, reikna með auknu álagi þegar líða tek­ur á haustið.

Segir Tanja Dögg að andleg vanlíðan geri oft vart við sig nokkrum mánuðum eftir áföll og nefnir sem dæmi fjármálahrunið 2008. Fleiri hafi fundið fyrir vanlíðan eftir hrunið en á meðan því stóð.

Að sama skapi hafi fleiri farið að nýta sér geðheilbriðisþjónustu Minnar líðanar, sem felst meðal ann­ars í fjar­viðtöl­um, eft­ir að kór­ónu­veir­an fór að breiðast út hérlendis.