Fimmtudagur 11. ágúst, 2022
11.1 C
Reykjavik

Sigga Karls er óhress með þá sem brjóta samkomubann: „Afsakið hvað ég er óforskömmuð að ráðast svona á ykkur“

Helgarviðtalið

- Auglýsing -

Orðrómur

- Auglýsing -

Sigríður Karlsdóttir, lífsleiknikennari og heilsuráðgjafi, skrifar um hegðun Íslendinga í samkomubanni í færslu sinni á Facebook. Í færslunni talar hún að margir virðist ekki taka ástandinu nógu alvarlega og farnir að brjóta samkomubann, þó enn séu tvær vikur eftir af því.

„Sorry ef ég er eitthvað að trufla partýið.

Héddna.. ég er að tala við þig sem fórst með 3 hjónum og maka þínum í bústað um helgina.

Og þig, ungi maður í ísbúðinni sem varst með 5 öðrum vinum þínum að knúsast og hafa það næs. Svona eins og maður gerir vanalega. Bara ekki núna.

Og svo þig líka, dömuna, sem hittir vinkonur þínar á kaffihúsinu í hverfinu. Mamma þarf að djamma og allt það.“

Sigga Karls
Mynd / Facebook

Skilur ekki virðingarleysið

- Auglýsing -

Sigga segir að hún ætli bara að vera ógeðslega leiðinleg og skemma stemmninguna, henni finnist fáránlegt að einstaklingar séu að fara út að hitta vini sína eins og ekkert hafi ískorist meðan þríeykið og annað folk í framlínunni, sé að hætta lífi sínu fyrir okkur hin. Segist Sigga ekki skilja virðingarleysi almennings.

„Bara sorry með mig. En ég ætla vera ógeðslega leiðinleg og skemma stemmninguna.

Þarna úti er fólk sem vinnur af sér rassgatið inni á sjúkrahúsum, hættir lífi sínu til að vera til staðar fyrir deyjandi fólk.

- Auglýsing -

Þarna úti er þríeykið að vinna á hverjum einasta degi, líka um helgar. Líka í páskafríinu, á meðan þú hittir nokkra félaga yfir öl.

Þarna úti eru ömmur og afar sem geta ekki farið út í búð vegna þess að þetta er leikur upp á líf og dauða.

Þarna úti eru kennarar að reyna halda rútínu hjá börnunum ykkar meðan þetta gengur yfir. Ef þið hysjið ekki upp um ykkur buxurnar, þá gengur þetta yfir á.. tja…. 18 mánuðum??

Sjáiði ekki virðingarleysið?“

Segir kominn tíma á naflaskoðun hjá mörgum

Sigga biðst aftur afsökunar á að vera leiðinlegt, en bendir fólki á að ef það geti ekki verið sjálfu sér nóg þá sé kominn tími til að skoða af hverju svo er.

„Takið nú rakettuna úr rassinum á ykkur. Takið líka hausinn þaðan út til að þið getið áttað ykkur á heildarmyndinni.

Við lendum aftur á byrjunarreit af því ykkur langaði bara svo ofsalega að hitta einhvern. Og bara hafa gaman, skiluru.

Ef þið getið ekki chillað með ykkur sjálfum, þið vitið – verið sjálfum ykkur nóg – þá er kannski kominn tími til að skoða af hverju. Kannski þurfið þið bara að setjast aðeins niður og fara í naflaskoðun. Gætuð jafnvel fundið eitthvað naflakusk þar. Ef þið hafið tíma.

Afsakið hvað ég er óforskömmuð að ráðast svona á ykkur í gegnum tölvuna. Ég nenni bara ekki að vera næs núna.

Kannski er ég bara abbó af því mig langar að fara í bústað.

Kannski er ég bara eigingjörn af því ég nenni ekki að byrja alltaf upp á nýtt og leyfa þessu ástandi að malla heila meðgöngu i viðbót.

Kannski er ég svona hvöss af því ég hef hangið heima hjá mér í að verða mánuð,

Þetta er ekkert flókið. Inn í hellinn með ykkur.

Góðar stundir.“

Sigga með aðganginn Heilbrigð heilsuráðgjöf á Facebook. Þar birtir hún reglulega pistla um andlega og líkamlega heilsu, uppeldi og innri vellíðan, andleg vellíðan er rauði þráðurinn.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -