Þriðjudagur 21. maí, 2024
4.8 C
Reykjavik

Sóttvarnalæknir reiknar með að fleiri tilfelli greinist: „Við biðjum fólk að halda ró sinni“

VefTv

- Auglýsing -

Hlaðvörp

- Auglýsing -

Sóttvarnalæknir segir að verið sé að skoða einstaklinga sem íslenski karlmaðurinn, sem greindist með Covid-19, hefur verið í umgengni við. Hann hvetur fólk til að halda ró sinni. Þetta kom fram áðan á blaðamannafundi í samhæfingamiðstöð almannavarna sem Þrólfur Guðnason sóttvarnalæknir, Víðir Reynisson, yfirlögregluþjónn hjá Ríkislögreglustjóra, Alma D. Möller landlæknir og Guðlaug Rakel Guðjónsdóttir, framkvæmdastjóri flæðissviðs Landspítala sátu.

Þórólfur Guðnason sóttvarnalæknir sagði á fundinum að viðkomandi hefði farið með eiginkonu sinni og dóttur í skíðaferð til Andalo á Norður-Ítalíu 15. febrúar, á svæði utan skilgreinds hættusvæðis og komið heim 22. febrúar og veiktst nokkrum dögum eftir heimkomu. Hann hafi sjálfur leitað á Landspítalann eftir að hann fór að finna fyrir einkennum.

„Sem betur fer er hann ekki alvarlega veikur,“ benti Þórólfur á, „heldur með væg einkenni“. Nú er verið að rannsaka eiginkonuna og dótturina og fleiri einstaklinga í kring.“ Hann sagði að verið væri að skoða einstaklinga sem hann hefur umgengist, en maðurinn er í einangrun.

Alma D. Möller landlæknir sagði að maðurinn og fjölskylda hans hefðu tekið því af æðruleysi þegar þeim var greint frá því að hann væri smitaður.

Þórólfur tók fram að ekki væri vitað um fleiri tilfelli að svo stöddu. Hann reiknar þó með að fleiri tilfelli muni greinast. Hann biður fólk jafnframt um að halda ró sinni og hvetur almenning til að fylgja útgefnum leiðbeiningum til að forðast smit og fækka smitleiðum.

Lestu meira: Skilgreining á útbreiðslu, ekki alvarleika sjúkdóms

- Auglýsing -

„Einstaklingar sem finna fyrir veikindum og hafa mögulega verið útsettir fyrir smiti vegna t.d. ferðalaga eru hvattir til að hringja í 1700 (fyrir erlend símanúmer: +354 544-4113) til að fá leiðbeiningar. Þeir sem hafa verið í nánu samneyti við einstaklinga með staðfesta eða líklega sýkingu verða settir í sóttkví og hið sama á við um þá sem ferðast hafa á undanförnum dögum til skilgreindra áhættusvæða. Ítarlegar upplýsingar um hina nýju kórónaveiru er að finna á landlaeknir.is og jafnframt upplýsingar um skilgreind áhættusvæði.“

Búist er við hópi Íslendinga, sem dvalið hefur á hættusvæði á Ítalíu, til landsins á morgun. Mælst er til þess að þau haldi sig í sóttkví tvær vikur þegar heim er komið.

Fréttin hefur verið uppfærð.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -