• Orðrómur

Ráðherra segir umræðu misskilning: „Myndin var óþarfi og við hefðum ekki átt að taka hana“

Efnisorð

Deila

- Auglýsing -

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, segir það hafa verið mistök af hennar hálfu og vinkvenna sinna að hafa stillt sér upp fyrir hópmynd á umdeildum vinkonuhittingi um helgina. Að öðru leyti hafi hún engar reglur brotið þó svo það hefði verið einfaldara að mati ráðherrans hefði hún sleppt því að mæta.

Þórdís Kolbrún fékk illa á baukinn fyrir Covid-djamm sem hún fór á með vinkonuhópi. Djammið vakti hörð viðbrögð víða í samfélaginu en á laugardaginn fór ráðherrann með vinkonuhópi sínum út á lífið. Hún birti sjálf myndir af þessu á samfélagsmiðlum en óhætt er að segja að þar hafi tveggja metra reglan verið mölbrotin.

Þórdís Kolbrún hefur ekki bara verið gagnrýnd fyrir djammið heldur ekki síður fyrir viðbrögð sín eftir á. Hún hefur í raun ekki afsakað atferlið eða sagt það rangt. Hittingurinn hafi verið á langþráðum frídegi, það hefði vissulega verið einfaldara hefði hún ekki mætt hefur hún einnig sagt og bætti því við í gær að það voru mistök að taka hópmyndina umdeildu.

- Auglýsing -

Bjarni Benediktsson, formaður Sjálfstæðisflokksins, hefur einnig svarað því til að samflokkskona hans hafi ekki gerst brotleg þó hegðun hennar hafi verið óheppileg í þessu tilviki. Þórólfur Guðnason sóttvarnarlæknir hefur líka lýst því yfir á Þórdís Kolbrún hafi ekki brotið sóttvarnarlög.

Í viðtali við RÚV í gær fullyrti Þordís Kolbrún að vinkonurnar hefðu verið mjög meðvitaðar um sóttvarnarreglur á djamminum. „Við vorum auðvitað mjög meðvitaðar um reglurnar og þegar við gengum inn á þennan veitingastað var ég meðvituð um að það væri tryggð tveggja metra regla í kring um okkar borð en taldi okkur heimilt að sitja saman við þetta borð. Það er í samræmi við þessa auglýsingu sóttvarnalæknis og ég held að það skipti bara máli að þetta sé skýrt. Umræðan fór auðvitað á flug um þetta mál í gær og olli misskilningi, þannig að það skiptir máli að reglurnar séu skýrar og markmiðið með þeim skýrt sömuleiðis,“ segir Þordís Kolbrún.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -