Mánudagur 15. ágúst, 2022
6.8 C
Reykjavik

Þórólfur bannaði eigin tónleika

Helgarviðtalið

- Auglýsing -

Orðrómur

- Auglýsing -

Þórólfur Guðnason sóttvarnalæknir er eins og þjóðin veit liðtækur tónlistarmaður og hefur spilað í hljómsveitum árum saman. Bítlarnir eru í uppáhaldi hjá honum og það hefur verið margra ára hefð í hans fjölskyldu að safnast saman á bítlatónleikum einu sinni á ári. Tónleikarnir í ár hafi átt að vera núna um helgina en hann sér ekki fram á að af því geti orðið á næstunni vegna samkomubannsins sem hann stóð sjálfur fyrir.

Þórólfur upplýsir þetta sjálfur í viðtali við Matthías Má Magnússon í þættinum Föstudagsgestinum á Rás 2 á morgun, 1. maí.

Þórólfur segir að tónleikahaldið hafi byrjað með því að á lokakvöldi Þjóðhátíðar hafi svokölluð Bítlasyrpa verið tekin í tjaldi fjölskyldunnar. „Þá voru sungin og spiluð um það bil 70 til 80 Bítlalög alveg í beit, tekin ein pissupása einhvern tímann í miðjunni,“ útskýrir hann.

Eftir að stór hluti fjölskyldunnar hafi flutt upp á land hafi hefðinni verið haldið áfram hjá frænda Þórólfs í Hafnarfirði. „Hún átti einmitt að vera núna um helgina en við þurftum að aflýsa henni út af svolitlu,“ segir Þórólfur í þættinum.

Hann segist þó ætla að sjá til þess að hægt verði að halda Bítlasyrpuna á árinu þó samkomubannið komi í veg fyrir að hægt sé að halda tónleikana núna. Að hans sögn mæta að jafnaði 50-60 manns í garðinn hjá frænda hans til að hlýða á syrpuna.

Þátturinn fer í loftið klukkan 16.05 á morgun og þar ræðir Þórólfur hvaða áhrif tónlist hefur haft á líf hans og velur sín uppáhaldslög.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -