Sunnudagur 27. nóvember, 2022
1.8 C
Reykjavik

Tveggja barna móðir með 558 krónur fyrir mánuðinn

Helgarviðtalið

- Auglýsing -

Orðrómur

- Auglýsing -

„Þessi skilaboð biðu mín þegar eg vaknaði. Hversu sorgleg er staðan í þjóðfélaginu okkar?,“ segir Día Björgvinsdóttir, einn stjórnenda Facebook-hópsins Matargjafir á Suðurnesjum.

Tveggja barna móðir, sem vegna skammar vill ekki láta nafn síns getið, leitaði til hópsins fyrir helgi þar sem hún ætti innan við þúsund króna innistæðu á bankareikningnum sem duga þyrfti út ágústmánuð. Móðirin segir í erindi sínu eftir aðstoð að hún væri ekki einu sinni búin að borga alla reikninga og hún væri með tvö börn á framfærslu sem væru á leið í skóla. Því fylgi ýmis fjárútlát því útvega þurfi til dæmis skólatöskur, íþróttaföt, nestisbox og pennaveski. Verst þyki móðurinni þó að eiga ekki fyrir mat handa sér og börnunum. „Ég á smá fisk í frysti en það er eiginlega það eina sem ég á. Mig langaði að athuga hvort einhver geti verið svo elskulegur og aðstoðað okkur,“ segir móðirin í hjálparbeiðni sinni til hópsins. 

Fjöldi hefur nú þegar boðið fram aðstoð sína, bæði fjárhagsstuðning sem og gjafir í formi matar eða þess sem börnin þurfa í skólann. Día leggur á það áherslu að það geti verið erfitt að stíga fram og biðja um aðstoð, sérstaklega í smærri bæjarfélögum. „Við búum ekki í stóru bæjarfélagi og allir þekkja alla. Sumir eru tilbunir að koma fram undir nafni aðrir ekki. Mér finnst roslega sorglegt að fólk hætti jafnvel við að aðstoða ef það fær ekki að hafa beint samband við viðkomandi,segir Día.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -