Fanga fegurð náttúrunnar og varðveita

Efnisorð

Deila

- Auglýsing -

Field of Hope Amsterdam er hollenskt fyrirtæki sem stofnað var af hönnuðunum Daniëlle Kortekaas og Hariatie Eleveld.

Daniëlle hefur starfað sem stílisti fyrir tískutímarit í fjölda ára ásamt því að reka fyrirtæki á sviði innanhússhönnunar undir eigin nafni. Hariatie hefur hannað fyrir ýmis tískuhús með góðum árangri ásamt því að aðstoða fyrirtæki við stefnumótun.

Síðastliðin tuttugu ár hafa leiðir þeirra legið saman í gegnum hin ýmsu verkefni tengd hönnun en nýjasta samstarf þeirra, Field of Hope, kom til vegna sameiginlegrar ástríðu þeirra fyrir náttúrunni.

Þær stöllur tína blóm og jurtir sem verða á vegi þeirra bæði í heimalandinu og erlendis en það er þeirra leið til þess að varðveita allt það fallega sem náttúran hefur upp á að bjóða. Blómin og jurtirnar eru þurrkaðar og þær settar meðal annars í endurnýtt tilraunaglös og innsigluð. Þannig varðveitast blómin og jurtirnar um ókomin ár. Þurrkuð blóm eru eitt helsta tísku-trend þessa árs og eru vörurnar frá Field of Hope sérstaklega fallegar og skemmtilegar tækifærisgjafir.

Field of Hope fæst í Mixmix Reykjavík við Langholtsveg.

- Auglýsing -

Athugasemdir

Lestu meira