Óperusöngkonan Dísella Lárusdóttir og Bragi Jónsson rekstrarstjóri Leigumarkaðar BYKO eignuðust dóttur annan í jólum, en fyrir eiga þau tvo syni.
Að sögn Dísellu kom dóttirin í heiminn klukkan sex þann 26. desember. „Hún ákvað að vera snögg á leiðinni til okkar, ekki liðu meira en fjórar klukkustundir þar til hún var mætt á stofugólfið hjá okkur, 52 sentimetrar og 3.880 grömm af fullkominni fegurð.
Okkur skilst að þessi heimafæðing hafi hlotið þann merka heiður að vera sú þrjú hundruðasta á Íslandi og þökkum við ljósmæðrunum Kristbjörgu og Gígju fyrir að vera okkur til halds og trausts í gegnum ferlið.“
Fyrir eiga Dísella og eiginmaður hennar Bragi Jónsson tvo syni, Jökul Orra, fimm ára og Bjart Lárus, tíu ára. Þegar Séð og heyrt ræddi við Dísellu í byrjun ágúst á þessu ári sagði hún að yngri sonurinn biði í ofvæni eftir því að eignast systkini.
„Hann er svakalega kátur með að verða stóri bróðir og er búinn að tala um systur sína síðan síðasta haust, kom meðal annars heim með málaða fjölskyldumynd um jólin þar sem hann hafði bætt henni við inn á myndina,“ sagði hún af tilefni og hló.
Dísella sagði þá ennfremur að þau fjölskyldan hefðu ekki hugmynd um hvort þessi langþráða ósk hans um að eignast systur yrði að veruleika eða ekki, þar sem þau vissu ekki hvort þetta væri stelpa eða strákur. En nú er hins vegar orðið ljóst að þeim stutta hefur orðið að ósk sinni.
Á Facebook segir Dísella að foreldrunum og sonum þeirra hlakki til að kynna dótturina fyrir fjölskyldu og vinum eftir því sem aðstæður leyfa á þessum skrýtnu tímum. „Við ætlum að leyfa okkur að finnast árið 2020 bara alls ekkert svo slæmt ár.“
Sjá einnig: Dísella og Bragi eiga von á barni: „Algjört kraftaverk“