Harry Bretaprins er að reyna að „lappa upp á“ fjölskyldusambönd fyrir jól en þetta segir fjölskylduvinur í samtali við Mirror.
Brothætt samband Harry og Meghan við restina af konungfjölskyldunni varð enn verra eftir að bókin Endgame kom út. Bókin er sögð varpa ljósi á kynþáttahneyksli innan fjölskyldunnar og valda uppnámi. Þar er því haldið fram að Kate Middleton og Charles konungur hafi haft áhyggjur af húðlit barna Meghan og Harry.
![](https://www.mannlif.is/wp-content/uploads/2021/03/Harry-og-Meghan-1024x569.png)
Konungsfjölskyldan eyðir yfirleitt jólunum saman í Sandringham House, sem er í þriggja tíma akstursfjarlægð frá London. Síðustu fjögur ár hafa Harry og Meghan eytt jólunum sem fjölskylda í lúxuseign sinni í Kaliforníu. Ekki liggur fyrir hvert planið er þessi jólin en mórallinn innan fjölskyldunnar er sagður slæmur.
![](https://www.mannlif.is/wp-content/uploads/2020/05/prince-harry-prince-william-royal-wedding.jpg)