Fimmtudagur 23. maí, 2024
4.8 C
Reykjavik

Heimildarmynd um framhjáhaldssíðuna Ashley Madison frumsýnd á Netflix – MYNDBAND

VefTv

- Auglýsing -

Hlaðvörp

- Auglýsing -

Heimildarmynd um framhjáhaldssíðuna Ashley Madison verður frumsýnd á Netflix þann 15. maí næstkomandi en Netflix birti í gær stiklu fyrir myndina. Þar er farið yfir gagnalekann og rætt við aðila sem notuðu síðuna til þess að halda framhjá mökum sínum.

Íslendingar þekkja síðuna helst vegna þess að nafn Bjarna Benediktssonar, núverandi forsætisráðherra, var að finna í skráningarskjölum síðunnar og notaðist hann við notendanafnið IceHot1.

 „Samkvæmt heimildum Vísis er Bjarni Benediktsson fjármálaráðherra skráður á vefinn Ashley Madisson undir notendanafninu IceHot1. Sá notandi er svo skráður til heimilis að Bradenton 10 34201 1, Flórída. En, það mun vera heimilisfang föður Bjarna í Bandaríkjunum,“ sagði í frétt Vísis eftir lekann.

Í kjölfar frétta um lekann sagði Þóra Margrét Baldvinsdóttir, eiginkona Bjarna, að þau hjónin hefðu stofnað aðganginn í sameiningu í sprelli en í raun aldrei notað hann. „Við höfum aldrei síðan farið inn á þennan vef. Það var aldrei greitt fyrir skráningu eða aðgang að vefnum. Þessi heimsókn hefur ekki leitt til samskipta við nokkurn mann, hvað þá trúnaðarbrots af neinum toga,“ skrifaði Þóra á samfélagsmiðla um málið.

Ekki liggur fyrir hvort framleiðendur myndarinnar settu sig í samband við Bjarna eða hvort hann komi fyrir í myndinni.

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -