Fimmtudagur 28. mars, 2024
-0.2 C
Reykjavik

Hlý minningarorð Möggu Frikka: „Ég var á síðasta degi í sóttkví þegar hún var jarðsungin“

VefTv

- Auglýsing -

Hlaðvörp

- Auglýsing -

Ritstýran og baráttukonan Margrét Friðriksdóttir, einnig þekkt sem Magga Frikka, minnist ömmu sinnar með hlýjum orðum í nýjustu færslu sinni á Facebook. Hún lést fyrir ári síðan en vegna harðra sóttvarnareglna hér á landi í kórónuveirufaraldrinum náði Margrét ekki að vera viðstödd jarðaförina.

Margrét hefur skráð sig í alþjóðlega samanburðarrannsókn þar sem reynt verður að finna út hvor hópurinn er betur varður gegn kórónuveirunni, bólusettir eða óbólusettir. Varla þarf að taka það fram að Margrét tilheyrir síðari samanburðarhópnum enda hefur hún lengi talað gegn bólusetningum hér á landi gegn veirunni skæðu.

Blessuð sé minning hennar.

„Í dag er 1 ár frá því að þessi fallega kona hún amma mín lést. Amma fékk einn skammt af Pfizer sem hún vildi að vísu ekki fá, en ekki var hlustað á þá beiðni hennar. Hún veiktist rosalega eftir fyrsta skammtin og hrakaði hratt þannig það var ákveðið af hjúkrunarheimilinu að gefa henni ekki annan skammt, svo hrakaði henni meir með hverjum mánuðinum sem leið og lést svo að lokum fyrir ári síðan,“ segir Margrét.

Sjá einnig: Magga Frikka náði loksins að smitast af Covid: „Ég var eiginlega búin að gefast upp“

Magga Frikka náði loksins að smita sjálfa sig af Covid-19 eftir að illa hafði gengið. Yngri dóttir hennar smitaðist fyrst og reyndi ritstýran allt til að smitast af dóttur sinni, en án árangurs lengi vel.

En á endanum smitaðist Margrét og á meðan hún var í sóttkví lést amma hennar.

- Auglýsing -

„Ég var svo óheppin að fá covid og vera á síðasta degi í sóttkví þegar hún var jarðsungin og fékk ég því ekki að vera viðstödd vegna sóttvarnarreglna. En ég mun alltaf minnast hennar sem hressu, góðu og skemmtilegu ömmu minnar og varðveita góðar minningar. Amma var mikil félagsvera og elskaði að fá heimsóknir. Nú er hún í Paradís með afa og dætrum sínum. Blessuð sé minning þín elsku amma mín,“ segir Margrét.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -