Hollywood leikkonan Jennifer Aniston(52) er ein þeirra stjarna sem virðist einfaldlega ekki eldast. Unglegt útlit leikkonunnar hefur verið umtalað í mörg ár og fólk velt því fyrir sér hver leyndardómurinn sé.
Jennifer leysti frá skjóðunni í viðtali við Elle og sagði frá mataræði sínu yfir daginn.
Í morgunmat segist Jennifer byrja daginn á að drekka heitt vatn með sítrónu. Því næst fái hún sér annaðhvort avocado og egg eða boozt. Stundum bregður hún þó út af vananum og fær sér hafragraut með banana og eggjahvítu.
Þegar kemur að booztinu segist Jennifer yfirleitt alltaf nota það sama. Hreint prótein, banana, bláber, frosin kirsuber, stevíu, grænmetisblöndu (spínat til dæmis), smá kakó og maca duft.
Í hádegis- og kvöldmat borðar Jennifer alltaf einhvers konar grænmeti með öðru próteinríku fæði, til dæmis kjúkling.
Þegar kemur að milli máls nasli grípur hún með sér epli með möndlusmjöri og hnetur, harðsoðin egg eða niðurskorið grænmeti.
Ekki liggur fyrir hvort þetta sé uppskrift af hinu eilífðar unglega útliti stjörnunnar en stundar hún einnig reglulega hreyfingu.