Yfirstjórn Eurovison-söngkeppninnar prófaði nýja aðferð til að kynna sigurvegara undankeppninnar á æfingu í gær. Það féll heldur betur í grýttan farveg.
Eurovision-hátíðin er hafin eins og öll Evrópa veit en í kvöld fer fram fyrra undanúrslitakvöldið. Gísli Marteinn Baldursson er kynnir Rúv í keppninni líkt og fyrr ár en hann kom með „Smá Euro-frétt“ á Twitter í gær. Yfirstjórn keppninnar ákvað í gær að prófa nýtt fyrirkomulag sem átti að vera í stíl við Idol-keppnina. Aðdáendur keppninnar mótmæltu breytingunni „hraustlega“ og var því ákveðið að hafa þetta eins og alltaf, Guði sé lof. Hér má lesa færsluna:
„Smá Euro-frétt: Það stóð til að tilkynna hver kæmust áfram á morgun og fimmtudaginn með því að hafa listamennina uppá sviði – Idol style. Engar bakraddir eða dansara. Og þau sem kæmust áfram færu af sviðinu eitt og eitt. Eftir stæðu svo bara þau sem kæmust ekki. Þetta var prófað í dag og aðdáendur keppninnar (og ýmis hærra sett) mótmæltu svo hraustlega að það var hætt við og þetta verður gert einsog venulega með öll í græna. Mikil gleði með þessa breytingu og að yfirstjórnin hafi hlustað.“