Samkvæmt Austurfrétt hefur lögreglunni á Austurlandi ekki borist neinar upplýsingar um stórfelldan þjófnað á geislasteinasafni frá Teigarhorni í Berufirði árið 2009.
Koma þessar upplýsingar fram í svari lögreglunnar við fyrirspurn Austurfréttar en Teigarorn er einn helsti fundarstaður geislasteina. Þáverandi ábúendur söfnuðu þar steinum um árabil.
Er ábúendurnir snéru heim eftir fjarveru í október 2009, komst upp um stuldinn en talið er að allt að 500 steinar hafi verið teknir. Verðmætamat steinanna eru milljónir króna. Brugðu ábúendurnir á það ráð nýlega að auglýsa eftir vísbendingum um þjófnaðinn á Facebook.
Lögreglan segir í svari sínu til austfirska fjölmiðilsins að rannsókn málsins hafi verið hætt árið 2012 og þá flokkað sem óupplýst. Engar nýjar vísbendingar hafa borist lögreglu síðan.