Föstudagur 12. apríl, 2024
1.8 C
Reykjavik

Rebekka á sárum blæðingum stanslaust í 53 daga: „Ég fæ grátköst, mér líður illa, ég er oft döpur“

VefTv

- Auglýsing -

Hlaðvörp

- Auglýsing -

„Tíðahringurinn hjá mér breyttist frá því að vera eðlilegur, 28 daga hringur í að ég var með blæðingar stanslaust í 53 daga og þeim fylgdu miklir verkir, þreyta og depurð. Svo kom stopp í 20 daga en svo byrjaði ég aftur og hætti eftir átta daga og er ég í stoppi núna en hef verið með verki og slen alla daga síðan tíðahringurinn breyttist,“ segir Rebekka Ósk Sváfnisdóttir sem tengir þetta við Covid-bólusetninguna.

„Ég hafði engar áhyggjur af þessu fyrr en ég las frétt um að 250 konur væru búnar að tilkynna svipuð tilfelli í kjölfar Covid-bólusetningar. Ég fór til læknis og var þá mælt járn og blóðþrýstingur en ekkert óeðlilegt kom í ljós. Mér var svo bent á kvensjúkdómalækni sem vissi ekki hver ástæðan er.

Rebekka Ósk Sváfnisdóttir

Andlega hliðin var mjög góð fyrir bólusetningu og ég var líkamlega hraust og nánast aldrei veik. Raunin er ekki sú í dag. Ég fæ grátköst, mér líður illa, ég er oft döpur og ég hef enga skýringu á þessum tilfinningum.“

Rebekka Ósk segir að skoðun sín á Covid-bólusetningum sé sú sama og áður en hún var bólusett: Að bólusetningar séu afar nauðsynlegar mannkyninu. „Ég mun alltaf fara í þær bólusetningar sem nauðsynlegar eru en ég mun eingöngu fara í bólusetningar þegar um er að ræða efni sem eru vel rannsökuð.“

Rebekka Ósk stofnaði Facebook-hópinn „Tíðahringur bólusettra kvenna gegn C 19“ og eru í honum um 2000 konur sem hafa lent í því sama og hún eftir Covid-bólusetningu.

- Auglýsing -

„Ég hef fengið að sjá og heyra margar sögur og hvað það er sem konurnar telja vera aukaverkanir. Allar sögurnar og öll einkenni þessara aukaverkana benda til mikils ójafnvægis hormóna í líkama kvenna. Konur eru að fá bólur, stanslausar blæðingar eða þá að blæðingar hætta, þær fá svitakóf, þyngdaraukningu, þreytu og slen, verki í móðurlífi, brjóstaspennu og sumar hafa fengið mjólk í brjóstin. Ekkert egglos verður hjá mörgum þeirra. Ég stofnaði hópinn til þess að konur geti borið saman bækur sínar á vettvangi sem er eingöngu ætlað þeim og aukaverkunum þeirra. Besta rannsóknarefnið er þar sem fólk safnast saman og ber saman bækur sínar og í leiðinni höfum við sannleikann í okkar höndum sem því miður virðist vera þaggaður niður að mestu leyti. Ég stofnaði hópinn því að saman getum við haft áhrif en einar getum við lítið gert. Við erum allar sannfærðar um að þetta sé vegna bólusetningarinnar og læknar hafa margir sagt við konurnar í mínum hópi að þetta sé vegna bólusetningarinnar; það sé engin önnur skýring.“

Rebekka Ósk Sváfnisdóttir

Rebekka Ósk segist mikið hafa lært af þeim upplýsingum sem hefur hefur viðað að sér varðandi Covid-bólusetningar. „Allt of miklar aukaverkanir virðast fylgja þessum bóluefnum sem enginn ætti að hundsa og ég hef líka lært að líklega og nánast allar líkur eru á því að þetta ruglar hormónakerfi kvenna. Það þarf ekki að vera læknir til þess að sjá þetta mynstur. Skoðun mín á þessari bólusetningu eftir allt sem eg hef séð er sú að það ætti ekki að bólusetja heilbrigða einstaklinga heldur ætti að bólusetja til dæmis þá sem eru með undirliggjandi sjúkdóma. Hvað börn varðar þá er það mesta vitleysa sem ég hef heyrt að ætla að gefa óþroskuðum börnum efni sem greinilega fer illa í konur hvað æxlunarfæri varðar og karlmenn hvað hjartabólgur varðar. Það er ekki víst að ávinningurinn af því að gefa fullkomlega heilsuhraustri manneskju þessi efni sé meiri en áhættan því hún er orðin miklu meiri en okkur var sagt í byrjun.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -