• Orðrómur

Ætlar að lesa meira, fitna fullt, kvíða minna og nöldra ekkert

Efnisorð

Deila

- Auglýsing -

Fyrir Pétur G. Markan, samskiptastjóra Biskupsstofu, snúast jólin fyrst og fremst um samveru með fjölskyldunni, góðan mat og gleði. Ferð í kirkjugarðinn, rjúpur í jólamatinn, möndlugrautur og ísköld kók í gleri eru ómissandi þættir í hátíðahaldinu og Pétur segist fastlega gera ráð fyrir því að bæta á sig um jólin. Eftirminnilegustu jólin hans voru þegar veðurofsi á Vestfjörðum hamlaði því að hann kæmist heim til fjölskyldunnar um jólin.

„Ég held jólin í faðmi fjölskyldunnar, það er grunnstef jólanna hjá mér,“ segir Pétur spurður hvernig hefðbundin jól á hans heimili líti út. „Svo reyni ég að hafa þau innihaldsrík, gleðileg og vonleg. Vestfjarðadeild fjölskyldunnar ætlar að renna suður og vera með okkur um jólin.

Ég fer og næ í jólarjúpu fyrir jólamatinn. Við erum alltaf með rjúpu á aðfangadag. Við förum að leiði pabba á aðfangadag og eigum þar stutta stund. Á aðfangadag erum við líka með möndlugraut og spilagjöf, lax og graflaxsósu og ískalda rauða kók í gleri í hádeginu. Nokkuð hefðbundið og gleðilegt allt.“

- Auglýsing -

Pétur á von á því að samkomutakmarkanir setji mark sitt á jólin þetta árið, en þá sé bara málið að lesa meira og borða enn meira.

„Já, það verður sjálfsagt minna um stærri fjölskylduboð sem eru mikil hefð í fjölskyldunni,“ svarar hann spurningunni.  „Annað verður nokkuð eftir jólabókinni. Svo ætla ég að lesa meira, fitna fullt, kvíða minna og nöldra ekkert. Ég á sjálfsagt eftir að fitna.“

Spurður hvaða jól séu honum eftirminnilegust er Pétur fljótur til svars.

- Auglýsing -

„Þegar ég var framvæmdastjóri SHÍ var ég að vinna ein jólin fram á Þorláksmessu. Stórfjölskyldan var eiginlega öll stödd fyrir vestan hvar hún ætlaði að halda jólin,“ byrjar hann söguna. „Ég átti sumsé flug á aðfangadag til Ísafjarðar. Það var vitlaust veður fyrir vestan á aðfangadag og næstu daga svo ég komst ekki neitt. Þetta var árið 2008. Ákveðið vonleysi í mannskapnum  og þetta var lítið að hjálpa. Jól sem gleymast seint.“

Veistu meira um málið?

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Undrast að umræðan skuli vera farin að snúast um hjónabönd manna og dýra

Björn Leví Gunnarsson, þingmaður Pírata, segir ákveðin viðbrögð við tillögu hans um breytingu á hjúskaparlögum hafa komið...

Aðgerðin opnaði dyrnar

„Þetta snerist aldrei um útlitið. Ég hef aldrei verið með útlitsþráhyggju. Ég var bara með innlitsþráhyggju,“ segir...

Nýtt í dag

Í fréttum er þetta helst...

Mest lesið í vikunni

- Auglýsing -