Nú þegar áramótin nálgast er gaman að spá í tískustraumana sem eru fram undan.
Vefurinn Refinery29 fékk hárgreiðslumanninn Garren og hárgreiðslukonuna Mandee Tauber til að segja frá því sem verður vinsælt í hártískunni á nýju ári.
Garren byrjar á að nefna tvö trend sem verða áberandi.
Það er meðal annars svokölluð bob-klipping í styttri kantinum þar sem skarpar línur eru í aðalhlutverki. Hann segir klippinguna eiga að vera eins og „ramma“ utan um andlitið.
Garren segir þá möguleikana vera endalausa þegar kemur að klippingu sem þessari.
Garren spáir því einnig að útgáfur af pixie-klippingunni verði árerandi árið 2020. Hann segir mikið frelsi felast í því að skarta svo stuttri klippingu.
Árið 2020 verða síðir toppar einnig vinsælir að sögn hárgreiðslukonunnar Mandee Tauber, toppar í hippalegum-stíl. Hún segir slíkan topp virka vel með bæði stuttu og síðu hári.
Myndir / EPA