2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Reynir að fjalla um hræðilega glæpi léttum nótum

    Ný og spennandi Vika kemur í verslanir á morgun. Unnur Arna prýðir forsíðuna og segir frá verstu glæpum sögunnar og slysinu sem breytti lífi hennar.

    „Þetta er alveg ótrúlega skemmtilegt, þótt þetta sé tímafrekt, og ég gæti sko vel ímyndað mér að verja öllum mínum tíma í að halda áfram að vinna með Morðcastið, sem og að bæta við mig öðrum podcöstum,“ segir Unnur Arna um hlaðvarpið sitt þar sem hún reynir gjarnan að fjalla um hræðilega glæpi léttum nótum.

    Í blaðinu er einnig rætt við Heiðu Björg Jóhannsdóttur sem hefur búið og starfað erlendis síðustu sextán árin, bæði í París og Marokkó, þar sem hún hefur tekist á við alls kyns verkefni tengd tónlist, músíkþerapíu, kvikmyndum og mannúðarmálum. Tónlistin er þó alltaf númer eitt í lífi Heiðu og nú er hún á leið til Íslands með hljómsveit sína Heiða Björg & the Kaos, fyrrum Klezmer Kaos, eftir áralangt hlé frá tónleikahaldi á Íslandi.

    Þær Hafdís Huld Björnsdóttir og Svava Björk Ólafsdóttir segja lesendum frá því þegar þær stóðu báðar á krossgötum í lífinu í fyrrasumar og fóru að ganga saman á Úlfarsfellið í viku hverri. Þær áttu saman góðar og innihaldsríkar samræður á leiðinni og fundu fljótlega að það var mikill samhljómur í því sem þær langaði að gera í lífinu. Þær langaði báðar að efla einstaklinga og teymi og aðstoða fólk við að skína. Núna hafa þær stofnað saman fyrirtæki.

    AUGLÝSING


    Umfjöllun um hönnuðunn Vivian Westwood er að finna í blaðinu. Hún er meðal annars þekkt fyrir að hafa komið pönktískunni á kortið og er þekkt fyrir að hafa kollvarpað breskum stíl með óvenjulegri hönnun sinni.

    Í nýja blaðinu er einnig að finna umfjöllun um spennandi bækur, hártísku og drauma til að taka nokkur dæmi.

    Tryggðu þér áskrift að Vikunni í vefverslun

    Lestu meira

    Annað áhugavert efni

    Nýjast á Mannlíf.is