2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

100 manns sagt upp hjá Arion banka

Arion banki fækkar starfsfólki um eitt hundrað.

 

Stjórn Arion banka samþykkti á fundi sínum í morgun nýtt skipulag bankans sem tekur gildi í dag. Sviðum bankans fækkar um tvö og ýmis verkefni færast til innan bankans með það að markmiði að einfalda starfsemina. Þetta kemur fram á vef Arion banka.

Mannlíf greindi fyrst frá skipulagsbreytingunum á sunnudaginn. Útfærsla skipulagsbreytinganna var þá á lokametrunum.

Í tilkynningu Arion segir að markmið breytinganna sé að styrkja samkeppnishæfni bankans og auka arðsemi eiginfjár.

AUGLÝSING


„Starfsfólki bankans mun við þessar breytingar fækka um 12% eða um eitt hundrað. Þar af starfa um 80% í höfuðstöðvunum bankans og um 20% í útibúum. Vinnumálastofnun hefur verið greint frá þessu,“ segir í tilkynningu á vef Arion.

„Þetta verður erfiður dagur en við kveðjum í dag hæft og gott samstarfsfólk sem ég efast ekki um að muni láta að sér kveða á nýjum vettvangi,“ er haft eftir Benedikt Gíslasyni, bankastjóra Arion banka.

Sjá einnig: Allt að 80 manns sagt upp hjá Arion banka

Ekki missa af þessum

Annað áhugavert efni

Nýjast á Mannlíf.is