Föstudagur 20. maí, 2022
8.8 C
Reykjavik

26 þúsund umsóknir um hlutabætur hafa borist – Umsóknir og fyrirspurnir streyma inn

Helgarviðtalið

- Auglýsing -

Orðrómur

- Auglýsing -

Yfir 26 þúsund umsóknir hafa borist vil Vinnumálastofnunar um greiðslur á móti skertu starfshlutfalli. Unnur Sverrisdóttir, forstjóri Vinnumálastofnunar, greindi frá þessu á upplýsingafundi almannavarnadeildar ríkislögreglustjóra vegna COVID-19 í dag.

Hún sagði álagið á starfsfólk Vinnumálastofnunar vera mikið vegna þess fjölda umsókna sem berast núna.

Unnur biður fólk um að skoða heimasíðu Vinnumálastofnunar áður en það hringir. í þjónustuverið. Mynd / Lögreglan

Unnur sagði að um helmingur umsókna tengist ferðaþjónustunni, með beinum eða óbeinum hætti. 22% umsókna koma frá fólki sem starfar í gisti- og veitingaþjónustu tók Unnur sem dæmi.

76% umsækjenda eru Íslendingar og 24% umsækjenda eru af erlendu bergi brotnir að sögn Unnar. Kynjahlutfallið er nokkuð jafnt.

Hvetur fólk til að skoða heimasíðuna

Vegna mikils álags á Vinnumálastofnun vill Unnur beina því til fólks að skoða Mínar síður og Spurt og svarað á heimasíðu stofnunarinnar áður en það hringir inn í þjónustuverið eða sendir tölvupóst. Hún sagði starfsmenn Vinnumálastofnunar fá á bilinu 700 til 800 fyrirspurnir í gegnum netfang stofnunarinnar á sólarhring.

- Auglýsing -

„Það tekur ykkur örugglega styttri tíma að leita á vefnum heldur en að hringja,“ sagði Unnur. Hún nýtti tækifærið og þakkaði starfsfólki Vinnumálastofnunar fyrir vel unnin störf á þessum krefjandi tímum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -